Amazing Jing for Life: OLKISROTOM and their Self-titled Album

OLKISROTOM and their Self-titled Album

January 5, 2022

Nang dahil sa pandemya, ang isa sa pinaka-naapektuhan ay ang music at entertainment industry. Kaya ngayon, ang Madhouse Music ay nagbibigay ng magandang oportunidad sa mga musicians, singers, songwriters at banda na deserving na mapakinggan at mapanood ng mga tao. Hindi dapat ipagkait ang mga ganitong pagkakataon lalo na sa mga naggagalingan at talentadong musicians katulad ng OLKISROTOM na pinakilala at inilunsad ang kanilang self-titled album noong December 28, 2021 sa Social House, Circuit, Makati. Hindi nagpatinag ang Olkisrotom at patuloy na lumilikha ang mga ito ng mga orihinal na awitin ngayong panahong ng pandemya.

Ang OLKISROTOM Band ay isa sa naglunsad ng kanilang album at ito ay naging bahagi ng 3-day Album Launching at mini-concert series noong December 28, 29 at 30, 2021. Kamanghamangha ang naging pagtugtog at pagtatanghal ng banda na kitang-kita sa reaksiyon ng mga nakapanood sa gabing iyon. Ipinamalas ng naturang grupo hindi lamang ang kanilang natatanging galing sa pagtugtog at pagkanta, pinarinig din nila ang kanilang mga orihinal na awiting talaga namang kinagiliwan ng audience. Siksik na siksik sa magagandang awitin ang gabing ‘yon na nagpaindak, nagpasayaw at nagpasaya sa mga audience.

Inaabangan na ng mga tagahanga at followers ng grupo ang mga bagong ilalabas na album na naglalaman ng mga bagong awitin gaya ng Sulong, Para Kang Model, Pakipot Diaz, Waiting, Freeze Me, Sikreto, Motorsiklo, Feeling Is Just Like You, Oras Ko at Wait I'm A Little Bit Late. Talagang kaabang-abang ang nasabing album dahil sa magkakaibang mensahe ng bawat awitin na maraming tao ang makaka-relate.

At dahil sa personal ako na nakapanood ng live performance nila, halos lahat ng mga kinanta nila ay may mga magagandang tema, lyrics at himig pero dalawa ang tumatak sa isipan ko ang "Feeln' Is Just Like You" ni Shy at 'yung "Motorsiklo" ni Julio.

And OLKISROTOM ay nabuo noong 2010 mula sa binaligtad na mga letra ng Motorsiklo. Ito ay kinabibilangnan nina, Julio Acuyong bilang lead vocalist, Shy Acuyong bilang female lead vocalist, Ryan Cloyd bilang lead guitarist, Amiel Codilla sa percussions, Notty Ren sa drums, Eric Ren sa keyboards, Justine “CoolJay” Corteza sa bass at Reiner Espiel sa rhythm guitar.

Isa ang bandang OLKISROTOM sa mga natatanging grupo na kabilang sa Madhouse Record Label. Ang Madhouse Music ay pinamumunuan ng founder nito ang itinuturing na isa sa mga hit-maker ng OPM na si Rannie Raymundo.

Chairman and founder of Madhouse Music, Mr. Rannie Raymundo

Kasama ding nagbigay ng excitement sa gabing yon ang iba pang mga piling artists na nagbahagi din ng kanilang mga orihinal na awitin sina Rey Abrea ng bandang Pyeza, Bong Ancheta, JC & Jhunjie, Toto Alava, Sky Biscocho, True Disciples, Ms. Charo Laude, Tanya Markova at ang Chairman at Founder ng Madhouse, si Mr Rannie Raymundo.